Te mana o te reo Māori

Overview

Ko te reo hei reo ōkawa mō Aotearoa

Te Ture mō Te Reo Māori 2016, wehenga 5

Hei tā te Ture Reo Māori, ko te reo Māori hei reo ōkawa mō Aotearoa.

I runga anō i taua ōkawatanga, he motika tō ngā tāngata katoa kia kōrero Māori ai i ngā kōti (tirohia te wāhanga e whai ake nei i tēnei upoko, “Tō motika kia kōrero Māori ai i ngā kōti). He mahi nui tā Te Taura Whiri i te Reo Māori (i whakatūria i te tau 1987 i raro i te Ture Reo Māori tuatahi) hei rōpū kōkiri i te reo, e whakamana ai te reo hei reo ōkawa.

Te Taura Whiri i te Reo Māori

Te Ture mō Te Reo Māori 2016, wehenga 37, 40

I whakatūria Te Taura Whiri i te Reo Māori i raro i te Ture Reo Māori tuatahi hei whakawhanake, hei ārahi hoki i ngā huarahi tika kia whakamana ai te reo Māori hei reo ōkawa mō Aotearoa. Ko tāna mahi anō he whakatairanga i te reo hei reo ora, hei reo kōrerorero anō hoki. E ai tā te Ture hou, e ai tā Te Ture mō Te Reo Māori 2016, ka haere tonu Te Taura Whiri me āna mahi.

Kei Te Taura Whiri hoki te mana tuku tiwhikete kaiwhakamāori. (Kia kitea ai ngā kōrero e pā ana ki te mahi whakamāori/whakapākehā, tirohia ngā wāhanga e rua e whai ake nei i tēnei upoko, “Tō motika kia kōrero Māori ai i ngā kōti” me “Te whakamāoritanga o ngā tuhinga kōti”).

Te Ture mō Te Reo Māori 2016, wehenga 17–19

Kei raro i te mana o te Ture hou o 2016, kua whakatūria anō hoki tētahi rōpū motuhake, ko Te Mātāwai. He māngai te rōpū nei mō ngā iwi Māori me ngā tāngata Māori, e pā ana ki ngā rautaki reo Māori. Ko Te Mātāwai tērā e ārahi ana, e whakatairanga ana i te hauora o te reo mō ngā iwi, mō ngā hapori, mō te hunga Māori, ā, ka riro māna e tautoko ngā kaupapa reo Māori o te kāwanatanga.

Kia mōhio ai: Ehara i te mea kua rerekē rawa ngā motika e pā ana ki te reo Māori i raro i te mana o tēnei Ture mō Te Reo Māori 2016. He āhua rite ngā motika ki ērā o te Ture Reo Māori 1987. Engari, kua rerekē ētahi o ngā mahi whakahaere e pā ana ki te whakatairanga me te whakaora i te reo Māori.

Find your local

Community Law Centre

View all law centre listings

Key | Community Law Centres | Outreach Clinics

Sorry Google Map Currently unavailable
back to top